உடுமலை: உடுமலையில், மாநில அளவிலான ஹாக்கி போட்டிகளில் பங்கேற்க வீரர்கள் தேர்வு முகாம், வரும், 6ம் தேதி நடக்கிறது.

ஹாக்கி யூனிட் ஆப் தமிழ்நாடு சங்கம் சார்பில், மாவட்டங்களுக்கு இடையேயான, சப்-ஜூனியர் ஹாக்கி போட்டிகள், வரும், 15ம் தேதி முதல், 18ம் தேதி வரை, ராணிப்பேட்டையில் நடக்கிறது.

இதற்காக, திருப்பூர் மாவட்ட ஹாக்கி வீரர்கள் தேர்வு செய்யும் முகாம், வரும், 6ம் தேதி, மாலை, 3:00 மணிக்கு, உடுமலை நேதாஜி மைதானத்தில் நடக்கிறது.

இதில் பங்கேற்கும் மாணவர்கள், 2008 ஜன., 1ம் தேதிக்கு பின் பிறந்தவர்களாக இருக்க வேண்டும். இதனை, திருப்பூர் மாவட்ட ஹாக்கி சங்க செயலாளர் மோகன் குமார் தெரிவித்துள்ளார்.