திருப்பூர்; மத்திய பா.ஜ., அரசின், 11 ஆண்டு கால சாதனை கண்காட்சி, திருப்பூரில் நடந்தது.

மத்திய பா.ஜ., அரசின், 11 ஆண்டு காலத்தில் நிறைவேற்றப்பட்ட மத்திய அரசின் திட்டங்கள் உள்ளிட்டவை குறித்து பா.ஜ., வினர் மக்கள் மத்தியில் விழிப்புணர்வு செய்து வருகின்றனர். அதன் ஒரு பகுதியாக, திருப்பூர் வடக்கு மாவட்ட பா.ஜ., சார்பில், 11 ஆண்டு கால பா.ஜ., ஆட்சியின் சாதனை விளக்க கண்காட்சி மற்றும் அறிவுசார் வல்லுனர்கள் சந்திப்பு ஹார்வி குமாரசாமி திருமண மண்டபத்தில் நேற்று நடந்தது.

கண்காட்சியை, மாநில பொது செயலாளர் முருகானந்தம் பங்கேற்று துவக்கி வைத்தார். மாவட்ட தலைவர் சீனிவாசன், முன்னால் மாவட்ட தலைவர் செந்தில்வேல், மாநில செயலாளர் மலர்கொடி உட்பட பலர் பங்கேற்றனர். பா.ஜ., ஆட்சியில் நிறைவேற்றப்பட்ட திட்டங்கள் குறித்த நோட்டீசை மக்களை சந்தித்து வழங்கி விழிப்புணர்வு ஏற்படுத்தினர்.