திருப்பூர்;தி சென்னை சில்க்ஸ் குழுமத்தின் புதிய அங்கமாக, தேவராயன் தங்க, வைர நகைகள் அறிமுகம் செய்யப்பட்டுள்ளன.

தி சென்னை சில்க்ஸ் குழுமத்தின் புதிய அங்கமாக, நகைத் துறையில் 'தேவராயன் கோல்டு அண்டு டைமண்ட்' அறிமுகம் செய்யப்பட்டது. தி சென்னை சில்க்ஸ் குழுமத்தின் நிர்வாக இயக்குனர் ஆறுமுகம், இணை இயக்குனர்கள் பிரசன்ன அங்குராஜ், கண்ணபிரான் ஆகியோர் அறிமுகம் செய்து வைத்தனர்.

இயக்குனர்கள் கூறியதாவது:

சுபிட்சத்தின் அடையாளமாக, நந்தியின் உருவ அமைப்பை கொண்டு, இந்த 'தேவராயன் கோல்டு அண்டு டைமண்ட்ஸ்' பிராண்ட் உருவாக்கப்பட்டுள்ளது. இந்த பிராண்டின் முதல் கிளையை பெரம்பலுாரில் விரைவில் துவங்க உள்ளோம். கற்பனைக்கு எட்டாத கலை ஆபரணங்கள், ஒளிவு மறைவில்லாத நியாயமான விலையில் மக்களுக்கு கொண்டு சேர்ப்பதே, எங்களின் நோக்கம்.

இங்கு, தங்க நகைகள் அனைத்தும், 100 சதவீதம் எச்.யு.ஐ.டி., ஹால்மார்க் தரத்துடனும், வைர நகைகள் அனைத்தும் ஐ.ஜி.ஐ., தரச் சான்றிதழ் மற்றும் ஹால்மார்க் தரத்துடன் வெள்ளிப் பொருட்கள், வெள்ளி ஆபரணங்கள் மற்றும் பரிசு பொருட்கள் வழங்கப்படும்.

இவ்வாறு, அவர்கள் கூறினர்.