கிருமிகளால் தொற்று

தேங்கி நிற்கும் மழைநீரால் கொசுக்கள் உற்பத்தி அதிகரித்து டெங்கு, மலேரியா, யானைக்கால் நோய், மூளைக்காய்ச்சல் போன்ற நோய்கள் பரவும். சாதாரண காய்ச்சலாக இருந்தால் வீட்டில் சுக்கு காபி, கஷாயம், கஞ்சி குடித்தால் சரியாகி விடும். பின்னங்கால் வலி, முதுகு வலி, இடுப்பு வலி, தலைவலி இருந்தால் டெங்குவாக இருக்கலாம். சாக்கடை கால்வாய் அருகில் வசிப்போர் அதிகம் பாதிக்கப்படுகின்றனர்.

என்ன சாப்பிடலாம்

காய்ச்சல் வந்துவிட்டால் நிலவேம்பு, அரிசிக்கஞ்சி மற்றும் ஓ.ஆர்.எஸ். எடுத்துக்கொண்டு குணப்படுத்த முடியும். காய்கறிகளை பச்சையாக உண்பதைத் தவிர்க்கவும். வேக வைத்து உண்பதால் கிருமிகள் இறந்து போகும். குடிநீரை கொதிக்க வைத்து குடிப்பது, துளசி, சீரகம் போன்றன கலந்து அருந்துவது நல்லது. முடக்கத்தான் கீரை, துாதுவளை, மணத்தக்காளி ரசம் சூடாக சாப்பிடுவது நல்லது. சிக்கன் சூப், வெஜிடபுள் சூப் போல திரவ உணவுகள் சிறந்தது. நோய் எதிர்ப்புசக்தியை அதிகரிக்க புரதச்சத்து மிகுந்த அசைவ உணவுகள், பால், பருப்பு வகைகள், முட்டை, தானியங்கள், முந்திரி, பாதாம் போன்ற கொட்டை வகைகள் சாப்பிடலாம். சுகாதாரமற்ற உணவுகள், ஈக்கள் மொய்க்கும்படி உள்ள உணவுகளை கண்டிப்பாக தவிர்க்க வேண்டும்.

பாதுகாப்பு நடவடிக்கை

மழைக்காலத்தில் முழுமையாக உடலை மறைக்கும்படி ஸ்வெட்டர் போன்ற ஆடைகளை அணிவதால் குளிரிலிருந்து தற்காத்துக் கொள்ளலாம். கொசுக்களிடம் தப்பிக்க கொசு வலையே சிறந்தது. மழை காலத்தில் தேவையற்ற பயணங்களை தவிர்க்க வேண்டும். குறிப்பாக பொழுதுபோக்குகிற்கு என்று பிற இடங்களுக்கு செல்வதைத் தவிர்க்கவும். குடை, ரெயின் கோட், மாஸ்க், கிளவுஸ், போன்ற பாதுகாப்பு கவசங்கள் பயன்படுத்தல் நல்லது.

எதற்கெடுத்தாலும் 'பாரசிட்டமால்' சாப்பிட்டால் உடலுக்கு பாதிப்பு காய்ச்சலுக்கு மருந்துக் கடையில் மாத்திரை வாங்கி சாப்பிடுவது சரியல்ல. டெங்கு போன்ற பெரிய நோய்க்கு அது தீர்வாகாது. ஆரம்பத்திலேயே சரியாக சிகிச்சை எடுத்துக் கொள்ள வேண்டும். இல்லாவிடில், மூளைக்காய்ச்சலாக மாறி அது மரணத்தை ஏற்படுத்தும். எளிதில் கிடைக்கும் 'பாரசிட்டமால்' ன்றும் செய்யாது என்று நினைத்து தலைவலி, உடல்வலி, காய்ச்சல் போன்ற எல்லா நோய்களுக்கும் பயன்படுத்துகின்றனர். அது கல்லீரல் வரை பாதிக்கக்கூடியது. மருத்துவர் நோயாளியின் தன்மைக்கேட்ப கொடுக்ககூடிய மருந்து மட்டும் பயன்படுத்த வேண்டும். - கோபாலகிருஷ்ணன், இருப்பிட மருத்துவ அலுவலர், அரசு மருத்துவக்கல்லுாரி மருத்துவமனை.