சிறு தகராறில் துவங்கி... கொலை வரை

திருப்பூர் மத்திய பஸ் ஸ்டாண்டில் வளாகத்தில், வழிப்பறிகளில் ஈடுபடும் சில பெண்கள், ஆண் பயணிகளை நோட்டமிட்டு நைசாக பேசி அருகே உள்ள மதுக்கடை பார்களுக்கு அழைத்து சென்று மது அருந்த வைக்கின்றனர். அதன்பின், போதையில் உள்ள பயணிகளின் உடமைகளை பறித்து செல்கின்றனர்.
சில மாதம் முன், அவிநாசியில் தோட்டத்தில் ஆடு மேய்ப்பதில் ஏற்பட்ட பிரச்னையில் போதையில் மூத்த தம்பதியை ஒருவர் கொலை செய்தார். மறுநாள் போலீசார் விசாரிப்பதை அறிந்து, தற்கொலை செய்து கொள்ள திட்டமிட்டு போதையில் டூவீலரில் சென்று விபத்து ஏற்படுத்தினர். ஆனால், காயத்துடன் போலீசாரிடம் சிக்கினார்.
அவிநாசியில், பைனான்ஸியர் ஒருவர் வாக்கிங் சென்ற போது, காரில் வந்த கும்பல் சரமாரியாக வெட்டி சாய்த்தது. கைது செய்யப்பட்ட நபர்களிடம் போலீசார் விசாரித்த போது, கை, கால்களை மட்டும் வெட்ட அறிவுறுத்தி அனுப்பிய நபர்கள், மதுபோதையில் சரமாரியாக வெட்டி சாய்த்தது தெரிந்தது.
சில நேரங்களில் கட்டுக்கடங்காத போதை தகராறில் ஆரம்பித்து, கொலையில் முடிந்து விடுகிறது. இரு மாதத்துக்கு முன், போதை கும்பல் குடியிருப்பு பகுதியில் ஏற்பட்ட தகராறில் தந்தை, மகனை அரிவாளால் வெட்டியது நடந்தது.