அவலுார்பேட்டை: மேல்மலையனுார் அருகே அனுமதியின்றி வெடிபொருட்கள் வைத்திருந்த தோட்டா வாகனத்தை சப்-கலெக்டர் பறிமுதல் செய்தார்.

மேல்மலையனுார் பகுதியில் திண்டிவனம் சப்-கலெக்டர் திவ்யான்சு நிகம் திடீர் தணிக்கை மேற்கொண்டார். அப்போது மேல்வைலாமூர் கிராமத்தில் காசிவேல் என்பவரது நிலத்தில் பாறைகள் அகற்றும் பணி நடந்து கொண்டிருந்தது.

பாறைகளை உடைக்க அனுமதியில்லாமல் வெடி பொருட்கள் இருந்ததை , சப்-கலெக்டர் ஆய்வு செய்து, டிராக்டரை (தோட்டா வாகனம் டிஎன் 25 ஏபி 0354 ஸ்வராஜ்) பறிமுதல் செய்தார்.

இது குறித்த புகாரின் பேரில் அவலுார்பேட்டை போலீசார் வழக்கு பதிந்து விசாரித்து வருகின்றனர்.