விழுப்புரம்: விழுப்புரம் மாவட்டத்திற்கு, துணை முதல்வர் உதயநிதி வருகை தர இருப்பதையொட்டி, மேற்கொள்ள வேண்டிய முன்னேற்பாடு பணி குறித்து அனைத்து துறை அலுவலர்கள் பங்கேற்ற ஆலோசனைக் கூட்டம் நடந்தது.

துணை முதல்வர் உதயநிதி, நாளை 6ம் தேதி அம்பேத்கர் நினைவு நாளையொட்டி, விழுப்புரம் மாவட்டத்தில் நடைபெற உள்ள அரசு நிகழ்ச்சிகளில் பங்கேற்று பயனாளிகளுக்கு நலத்திட்ட உதவிகளை வழங்க உள்ளார்.

இதையொட்டி, துணை முதல்வர் பங்கேற்கும் அரசு நிகழ்ச்சிக்கான விழா மேடை, நலத்திட்ட உதவிகள் விபரம், அனைத்து துறை திட்ட பணிகள் விபரங்களை, அலுவலர்களிடம் கேட்டறிந்து, கலெக்டர் ஆலோசனை வழங்கினார்.

கலெக்டர் அலுவலகத்தில் நடந்த கூட்டத்தில் மாவட்ட வருவாய் அலுவலர் அரிதாஸ், கூடுதல் ஆட்சியர் (வளர்ச்சி) பத்மஜா, உதவி ஆட்சியர் (பயிற்சி) வெங்கடேஸ்வரன் உட்பட அலுவலர்கள் பலர் பங்கேற்றனர்.