வானுார்; குயிலாப்பாளையம் தனியார் மேல்நிலைப்பள்ளியில் 'தினமலர்-பட்டம்' இதழ் வழங்கும் நிகழ்ச்சி நடந்தது.

தினமலர் பட்டம் இதழ் மாணவர்களின் வாசிப்பு திறனை மேம்படுத்தவும், பொது அறிவு, அன்றாட நாட்டு நடப்பு, புதிய அறிவியல் கண்டு பிடிப்புகள், தொழில் நுட்ப வளர்ச்சி மற்றும் மத் திய, மாநில அரசுகளின் போட்டி தேர்வுகளை எதிர் கொள்வதற்கும், மாணவர்களை தயார் படுத்துவதை நோக்கமாக கொண்டுள்ளது.

இந்த இதழ் திங்கள் முதல் வெள்ளி வரை வெளியிடப்படுகிறது. இந்நிலையில், ஆரோவில் அடுத்த குயிலாப்பாளையம் தனியார் மேல்நிலைப்பள்ளியில் மாணவர்களுக்கு, பட்டம் இதழ் வழங்கும் நிகழ்ச்சி நடந்தது. பள்ளி தாளாளர் குணசீலன் தலைமை தாங்கி மாணவர்களுக்கு பட்டம் இதழ்களை வழங்கினார். பள்ளி தலைமை ஆசிரியர் சீனுவேணுகோபால், உதவி தலைமை ஆசிரியர் குழல் நல்லி ஆகியோர் முன்னிலை வகித்தனர்.

நிகழ்ச்சியில், ஒருங்கிணைப்பாளர்கள் ரமேஷ், வீரராகு உள்ளிட்டோர் கலந்து கொண்டனர்.