வானுார் : கொந்தமூர் ஆதிதிராவிட நல அரசு மேல்நிலைப்பள்ளியில் மாணவர்களுக்கு, தினமலர்-பட்டம் இதழ் வழங்கும் நிகழ்ச்சி நடந்தது.

மாணவர்களுக்கு பொது அறிவு திறனை மேம்படுத்தவும், விஞ்ஞான வளர்ச்சி, புதிய கண்டுபிடிப்புகள், வாசிப்பு திறன் அதிகரிக்கும் வகையிலும், அரசின் போட்டி தேர்வுகளை எதிர்கொள்ள மாணவர்களை தயார்படுத்தும் விதத்திலும் விரிவான தகவல்கள், தினமலர்-பட்டம் இதழ் மூலம் வெளியிடப்படுகிறது.

இந்நிலையில், பட்டம் இதழ் வழங்கும் நிகழ்ச்சி கொந்தமூர் அரசு ஆதிதிராவிடர் நல மேல்நிலைப்பள்ளியில் நடந்தது.

சங்கர் தலைமை தாங்கினார். ஆசிரியர் தனசகேர் வரவேற்றார். கிளியனுார் தி.மு.க., மேற்கு ஒன்றிய பொறுப்பாளர் புஷ்பராஜ், கொந்தமூர் ஊராட்சி மன்ற தலைவர் சிவக்குமார் ஆகியோர் மாணவர்களுக்கு பட்டம் இதழை வழங்கி பேசினர்.

நிகழ்ச்சியில், தி.மு.க., மாவட்ட தொண்டரணி தலைவர் ரகு, ஒன்றிய தகவல் தொழில்நுட்ப அணி அமைப்பாளர் பிரசாத், தொண்டரணி பாஸ்கர், ஒன்றிய தொழிலாளர் அணி அமைப்பாளர் சங்கர் உள்ளிட்டோர் கலந்து கொண்டனர்.