கடலுார்: கடலுார் புனித அன்னாள் மகளிர் மேல்நிலைப் பள்ளியில், அரசின் இலவச சைக்கிள்களை மாணவிகளுக்கு அய்யப்பன் எம்.எல்.ஏ., வழங்கினார்.

கடலுார் புனித அன்னாள் மகளிர் மேல் நிலைப் பள்ளியில், தமிழக அரசின் இலவச சைக்கிள் வழங்கும் நிகழ்ச்சி நடந்தது.

பள்ளி தலைமை ஆசிரியை லிட்டில் ப்ளவர் தலைமை தாங்கினார். மார்கிரேட் மேரி வரவேற்றார். அய்யப்பன் எம்.எல்.ஏ., கலந்து கொண்டு 1,177 மாணவிகளுக்கு அரசின் இலவச சைக்கிள்களை வழங்கினார்.

மேலும், பத்தாம் வகுப்பு, பிளஸ் 1, பிளஸ் 2 வகுப்பு தேர்வில் மாநில அளவில் முதல் மதிப்பெண் எடுத்த மாணவிகளுக்கு பரிசாக ஒரு லட்சம் ரூபாய் நிதி வழங்கினார்.

கிரிஸ்டினா லாரன்ஸ் சுகி நன்றி கூறினார்.