சென்னை: தமிழக பா.ஜ., அறிக்கை:

ஜி.எஸ்.டி., சீர்திருத்தத்திற்கு பின், தி.மு.க., அரசு, ஆவின் பால் பொருட்களின் விலையை குறைக்கவில்லை. அவை இன்னும், அதே எம்.ஆர்.பி., எனப்படும் அதிகபட்ச சில்லரை விலையிலேயே விற்கப்பட்டு வருகின்றன.

விழாக்கால தள்ளுபடி என, மக்களை ஏமாற்றி, மேலும் திசை திருப்ப வேண்டாம். மீண்டும் கேட்கிறோம். பிரதமர் மோடி அரசு கொண்டு வந்த ஜி.எஸ்.டி., சீர்திருத்தத்தின்படி, ஆவின் பால் பொருட்களின் விலை குறைக்கப்படுமா, குறைக்கப்படாதா?

இதற்கு, பால் வளத்துறை அமைச்சர் மனோ தங்கராஜ் அல்லது ஆவின் நிறுவனமோ, அதிகாரப்பூர்வமாக ஒரு அறிக்கையையும், இம்மாதம், 22ம் தேதிக்கு பின் மாற்றி அமைக்கப்பட்ட விலை பட்டியலையும் வெளியிட வேண்டும்.

இவ்வாறு அதில் கூறப்பட்டுள்ளது.