போலீஸ் பாதுகாப்பு மீஞ்சூர் காட்டுப்பள்ளியில் உள்ள எல் அண்டு டி., கப்பல் கட்டும் நிறுவனத்தில் பணிபுரியும் வடமாநில தொழிலாளி ஒருவர், அவர் வசித்து வரும் குடியிருப்பு பகுதியில் கடந்த மாதம் 2ம் தேதி இரவு, தவறி விழுந்து இறந்தார். இந்த சம்பவத்தால் நுாற்றுக்கணக்கான வடமாநில தொழிலாளர்கள் போராட்டத்தில் ஈடுபட்டு, போலீசார் மீது தாக்குதல் நடத்தினர். போராட்டத்தில் ஈடுபட்டவர்களை போலீசார் தடியடி நடத்தி கட்டுக்குள் கொண்டு வந்தனர். இந்த சம்பவம் முடிந்து ஒரு மாதம் ஆன நிலையில், தற்போது வடமாநில தொழிலாளர்கள் ஒன்பது பேர், பணியின் போது ஏற்பட்ட விபத்தில் இறந்து உள்ளனர். இந்த சம்பவத்தால் வடமாநில தொழிலாளர்கள் மீண்டும் போராட்டத்தில் ஈடுபட வாய்ப்பு உள்ளதால், அத்திப்பட்டு புதுநகர், வயலுார், காட்டுப்பள்ளி பகுதிகளில் பலத்த போலீஸ் பாதுகாப்பு போடப்பட்டு உள்ளது.