''துக்ளக்' ஆசிரியர் ஆடிட்டர் குருமூர்த்தி

விழாவில், 'துக்ளக்' ஆசிரியர் ஆடிட்டர் குருமூர்த்தி பேசியதாவது:தி.மு.க., ஆட்சியில் நடக்கும் எல்லா அவலங்களையும், தவறுகளையும் பத்திரிகைகளும், ஊடகங்களும் வெளியே கொண்டு வராமல் கடந்து போகின்றன. ஆனால், 'தினமலர்' நாளிதழ் மட்டுமே ஆட்சியில் நடக்கும் தவறுகளை சுட்டிக்காட்டி வெளிகொண்டு வருகிறது. அந்நாளிதழுக்கு என்னுடைய மனமார்ந்த பாராட்டுக்கள்.வரும் தேர்தலில் பா.ஜ.,வுக்கு ஓட்டு அளிக்க வேண்டியது ஒவ்வொருவரின் கடமை. பா.ஜ., வளர்வதன் வாயிலாக, தி.மு.க.,வை எதிர்க்க முடியும். அக்கட்சியை எதிர்த்து வந்த அ.தி.மு.க., தற்போது அதை கைவிட்டு விட்டது. தமிழகத்தில் தி.மு.க., தோற்கடிக்கப்பட்டு அப்புறப்படுத்த வேண்டும். அதற்கு சாதகமான சூழ்நிலையை உருவாக்க வேண்டும். லோக்சபா தேர்தலில் பெரும்பான்மை தொகுதிகளில் தி.மு.க., தோற்க வேண்டும். இவ்வாறு அவர் பேசினார்.