இந்நிலையில், எம்.பி., எம்.எல்.ஏ., க்கள் மீதான ஊழல் வழக்குகளை விசாரிக்க, சென்னையில் சிறப்பு நீதிமன்றம் அமைக்கப்பட்டது. இதனால் பழனிச்சாமி மீதான வழக்கு விசாரணையும் மாற்றப்பட்டது. சில ஆண்டுகள் கழித்து, மாவட்ட முதன்மை செஷன்ஸ் நீதிமன்றம், ஊழல் வழக்குகளை விசாரிக்க அதிகாரம் இருப்பதாக, சென்னை ஐகோர்ட் உத்தரவிட்டது.

அவரது முன்னிலையில், தொடர்ந்து சாட்சி விசாரணை நடத்தப்பட்டு, தீர்ப்பு தேதி அறிவிக்கப்பட இருந்த நிலையில், கடந்த ஜனவரியில் மீண்டும் கோவை முதன்மை சார்பு நீதிமன்றத்திற்கு வழக்கு மாற்றப்பட்டது.

இந்த சூழ்நிலையில், ஊழல் வழக்குகளை விசாரிக்க, மாவட்ட நீதிபதி அந்தஸ்து பெற்ற கோர்ட்டிற்கு அதிகாரம் இருப்பதாகவும், சப்- கோர்ட் நீதிபதிகள் விசாரணை நடத்தக்கூடாது என்றும், ஐகோர்ட் புதிய உத்தரவை பிறப்பித்தது. இதன் காரணமாக, இந்த வழக்கு , ஐந்தாவது முறையாக, கோவை மாவட்ட முதன்மை செஷன்ஸ் நீதிமன்றத்திற்கு, கடந்த மாதம் மீண்டும் மாற்றப்பட்டது.

அதன்படி, வழக்கு கட்டுகள் மாவட்ட முதன்மை செஷன்ஸ் கோர்ட்டிற்கு மாற்றப்பட்டு, நீதிபதி விஜயா முன்னிலையில் நேற்று விசாரணைக்கு எடுத்து கொள்ளப்பட்டது. அப்போது, பழனிச்சாமி தரப்பில் அவரது வக்கீல் அருள்மொழி ஆஜரானார். அப்போது நீதிபதி, சப்- கோர்ட்டிற்கு மாற்றப்பட்ட பிறகு, மேற்கொண்டு விசாரணை நடத்தப்பட்டதா என கேட்டார்.