'1,000 ரூபாய் போதாது'

சென்னையில் நடந்த நிகழ்ச்சியில், 'தமிழ் புதல்வன்' திட்டத்தால் பயனடைந்த மாணவ - மாணவி யர், மேடையில் தங்கள் கருத்துகளை தெரிவித்தனர் . அப்போது, தென்காசி மாவட்டத்தை சேர்ந்த தங்க சொக்கலிங்கம் எனும் மாணவர் பேசுகையில், 'தமிழ் புதல்வன் திட்டம், எனக்கு மிகவும் உதவிகரமாக இருக்கிறது.
கல்லுாரி கட்டணம், வீட்டு செலவுக்கு, இந்த தொகையை பயன்படுத்திக் கொள்வேன். 1,000 ரூபாய் எனக்கு போதாது. 'அதனால், காலையில் எழுந்து, வீடுகளுக்கு பேப்பர் போடுகிறேன்; மாலையில் பகுதி நேரமாக பணியாற்றுகிறேன். அதனால், 1,000 ரூபாய் என்பதை உயர்த்தி கொடுக்க வேண்டும்' என, முதல்வர் ஸ்டாலின் முன்னிலையில் கோரிக்கை விடுத்தார்.
இந்த விழாவுக்கு, சென்னையின் பல்வேறு பகுதிகளில் இருந்து, அரசு பள்ளி மாணவ - மாணவியர், மதியம் 1:00 மணிக்கு அழைத்து வரப்பட்டனர். விழா இரவு 8:50 மணி வரை நடந்தது. சிற்றுண்டிகள் வழங்கியபோதிலும், நீண்ட நேரம் ஒரே இடத்தில் அமர வைக்கப்பட்டதால், பலர் சோர்வடைந்தனர்.