உடனே காரில் இருந்து இறங்கிய சிறப்பு சப்- இன்ஸ்பெக்டர் காந்தி ராஜன் பதிலுக்கு வாக்குவாதம் செய்துள்ளார். ஒரு கட்டத்தில் ஆத்திரமடைந்த காந்திராஜன் காரை எடுத்துக்கொண்டு புறப்பட்டுள்ளார். அப்போது அவர் காரின் முன்பு நின்று கொண்டிருந்த வாலிபர் மீது காரை ஏற்றியுள்ளார். அதிர்ஷ்டவசமாக அந்த வாலிபர் காரின் முன் பக்க பேனட்டில் ஏறி அமர்ந்து கொண்டு காப்பாற்றுங்கள், காப்பாற்றுங்கள் என்று கத்தி கூச்சலிட்டுள்ளார்.

தற்போது சிறப்பு எஸ்.ஐ. காந்திராஜன் ஆயுதப்படைக்கு மாற்றப்பட்டார். அவரிடம் துறை ரீதியான விசாரணை நடந்தது. அவர் மது போதையில் வந்து ஒழுங்கினமான செயலில் ஈடுபட்டுள்ளது விசாரணையில் தெரியவந்தது. பின்னர், காந்திராஜனை சஸ்பெண்ட் செய்து கமிஷனர் சந்தோஷ் ஹதிமணி உத்திரவிட்டார். காந்தி ராஜன் ஓய்வு பெறுவதற்கு இன்னும் 6 மாதங்கள் மட்டுமே உள்ளது குறிப்பிடத்தக்கது.