பாதுகாப்பு கேட்டு டி.ஜி.பி.,யிடம் மனு த.வெ.க., தலைவர் விஜயின் மக்கள் சந்திப்பு நிகழ்ச்சிக்கு பாதுகாப்பு கோரி, அக்கட்சியின் பொதுச்செயலர் ஆனந்த், டி.ஜி.பி., அலுவலகத்தில் மனு அளித்துள்ளார். ஆனந்த் அளித்துள்ள மனு: த.வெ.க., தலைவர் விஜய், வரும் 13ம் தேதி முதல் டிசம்பர் 20ம் தேதி வரை, அனைத்து மாவட்டங்களிலும் மக்கள் சந்திப்பு நிகழ்ச்சிகளை நடத்த உள்ளார். அதன்படி, 13ம் தேதி, திருச்சி, பெரம்பலுார், அரியலுார் மாவட்டங்களில் துவங்கி, அனைத்து மாவட்டங்களிலும் மக்கள் சந்திப்பு நிகழ்வு நடக்க உள்ளது. இந்த நிகழ்ச்சிகளின்போது, அந்தந்த இடங்களில் பொதுமக்கள் கூடுவதற்கான வாய்ப்புகள் உள்ளன. எனவே, நிகழ்ச்சி நடக்கும் இடங்களில் போக்குவரத்தை முறைபடுத்தி தேவையான பாதுகாப்பு வழங்க வேண்டும். இவ்வாறு அதில் கூறப்பட்டுள்ளது.