மற்றொரு மாவட்ட செயலர் கைது

கரூர் பிரசாரத்தில் ஆம்புலன்சை சேதப்படுத்திய வழக்கில், சேலம் கிழக்கு மாவட்ட த.வெ.க., செயலர் வெங்கடேசன் கைது செய்யப்பட்டார். கரூரில் விஜய் பிரசார கூட்டத்தில், வெங்கடேசன் உட்பட 10 பேர் ஆம்புலன்சை வழிமறித்து தாக்கியதாக, கரூர் டவுன் போலீசார் வழக்குப்பதிவு செய்தனர்.
இது தொடர்பாக, கரூர் போலீசார் மற்றும் சிறப்பு புலனாய்வு குழு போலீசார், ஆத்துார் புறவழிச்சாலையில் உள்ள ஹோட்டலில் இருந்த வெங்கடேசனை நேற்று கைது செய்து, கரூருக்கு அழைத்து சென்றனர். இதையடுத்து, வெங்கடேசன் மனைவி புஷ்பவள்ளி, 'ஹோட்டலில் இருந்த என் கணவர் வெங்கடேசனை, ஐந்து பேர் காரில் அழைத்து சென்றனர்.
என் கணவரை மீட்டுத்தர வேண்டும்' என, ஆத்துார் போலீசில் புகார் அளித்துள்ளார். அதேபோல், த.வெ.க., நகர செயலர் நாகராஜ் சார்பாகவும் தனியாக போலீசில் புகார் அளிக்கப்பட்டுள்ளது.