கொளுத்தும் வெயிலில் தவிர்க்க வேண்டியவை

காலை 11:00 முதல் மாலை 4:00 மணி வரை வெளியில் செல்வதை முடிந்தளவு தவிர்க்க வேண்டும்.

அப்படியே செல்வதாக இருந்தால், தண்ணீர் பாட்டில், குடை அவசியம்.

வயதானவர்கள் தனியாக வெளியில் செல்வதை தவிர்க்கலாம். நடந்து செல்லாமல், வாகனங்களில் செல்வது நல்லது. அவசர உதவிக்கான தொடர்பு எண்கள் அடங்கிய குறிப்பை வைத்திருப்பது நலம்.

உடல்நலம் பாதிக்கப்பட்டவர்கள் வெளியில் செல்லும்போது, மருத்துவ அறிக்கை அடங்கிய பைல், மொபைலில் இருப்பதை உறுதி செய்யலாம். இது அவசர கால சிகிச்சைக்கு பயன் தரும்.

உடல் அசவுகர்யமாக இருப்பதை உணர்ந்தால், சுய மருத்துவம் எடுக்காமல், உடனடியாக டாக்டரை அணுகி ஆலோசனை பெறுவது அவசியம்.

வெயிலின் தாக்கத்தை தணிக்க, அதிகமாக தண்ணீர் குடிப்பது, நீர் சத்துள்ள பழங்கள், ஜூஸ், இளநீர், மோர் எடுத்து கொள்வது அவசியம்.

தளர்வான பருத்தி ஆடைகள் அணிவது, அடிக்கடி தலை குளிப்பதுடன், சத்தான உணவுகளை எடுத்து கொள்ள வேண்டும்.