குப்பை சேகரம் செய்யும் பணியை தனியார் மயமாக்குவதே தீர்வு என்று பொதுமக்கள் கூறியுள்ளனர். கம்பம் நகராட்சியில் 33 வார்டுகள் உள்ளது. ஏராளமான தெருக்கள் உள்ளது. குப்பைகள் அள்ளுதல், சாக்கடை சுத்தம் செய்தல், சேகரமாகும் குப்பைகளை அள்ளி குப்பை கிட்டங்கியில் சேர்த்தல் உள்ளிட்ட பல்வேறு பணிகளை சுகாதார பணியாளர்கள் மேற்கொள்கின்றனர். நகரில் விஸ்தரிப்பு பகுதிகள் அதிகரித்தும், மக்கள் தொகை அதிகரித்தும் வருகிறது. அனுமதிக்கப்பட்ட 135 துப்புரவு பணியாளர்களை வைத்துக் கொண்டு பொதுச்சுகாதார பணிகளை நகராட்சி மேற்கொள்ள வேண்டியுள்ளது. அனுமதிக்கப்பட்டதிலும் 24 துப்புரவு பணியிடங்கள் காலியாக உள்ளது. தற்போது 111 பேர்கள் மட்டுமே உள்ளனர். அதிலும் மெடிக்கல் லீவு, அவசர விடுப்பு என்று பலர் சென்று விடுகின்றனர்.