என் சொந்த செலவில் பிளஸ் 2 மாணவர்களுக்கு கட்டடம், மூன்றரை ஏக்கர் நிலம் கொடுத்துள்ளேன். ரூ.55 லட்சம் மதிப்பில் பிற்பட்டோர் மாணவர்கள் விடுதி, ரூ.85 லட்சம் மதிப்பில் பள்ளிக்கு கூடுதல் கட்டடம் கட்டுமானப் பணி எனது முயற்சியில் நடந்து கொண்டிருக்கிறது.

ரூ.6 லட்சம் மதிப்பில் புதிய டிரான்ஸ்பார்மர் எனது முயற்சியில் செய்து கொடுக்கப்பட்டுள்ளது. மேலும், வெற்றி பெற்றால் மாணவிகளுக்கு விடுதி, தெரு முழுக்க கழிவுநீர் வாய்க்கால், ரோடு அமைக்க பாடுபடுவேன். உச்சிநத்தம்-வி.சேதுராஜபுரம் இடையே மேம்பாலம் அமைப்பதற்கு பாடுபடுவேன். 30 படுக்கைகள் கொண்ட ஆரம்ப துணை சுகாதார நிலையம் விரிவு படுத்தவும், சூரங்குடி-பெருநாழி இருவழிச் சாலையாக விரிவு படுத்தவும் முயற்சிப்பேன், என்றார்.