திட்டக்குடி பேரூராட்சித் தலைவர் பதவிக்கு தி.மு.க., வேட்பாளராக போட்டியிடும் பரமகுரு கடந்த ஒரு வாரமாக கட்சித் தொண்டர்களுடன் ஒட்டு சேகரித்து வருகிறார். நேற்று திட்டக்குடி பேரூராட்சி 7வது வார்டுக்குட்பட்ட வாக்காளர்களிடம் வீடு வீடாகச் சென்று ஓட்டு சேகரித்து வருகிறார். பேரூராட்சி 7வது வார்டு கவுன்சிலருக்கு போட்டியிடும் தி.மு.க., வேட்பாளர் செந்திலும் உடன் ஓட்டு சேகரித்தார். திட்டக்குடி பகுதி மக்களின் உற்ற நண்பனாய் விளங்கி அனைத்து அடிப்படை வசதிகளையும் நிறைவேற்றித் தருவேன் என உறுதியளித்தார்.