இதுகுறித்து அவர் மேலும் தெரிவித்ததாவது: உள்ளாட்சித் தேர்தலில் போட்டியிடும் தே.மு.தி.க., வேட்பாளர்களை ஆதரித்து, தமிழகம் முழுவதும் தே.மு.தி.க., தலைவர் விஜயகாந்த் பிரச்சாரம் செய்கிறார். தொடர்ந்து, அரியலூர் மாவட்டத்தில் உள்ளாட்சித் தேர்தலில் போட்டியிடும், தே.மு.தி.க., வேட்பாளர்களுக்கு ஓட்டு கேட்டு, வரும் 29ம் தேதி வியாழன் மாலை 4 மணிக்கு, அரியலூர் நகராட்சி அலுவலகம் அருகே, தே.மு.தி.க., நிறுவன தலைவர் விஜயகாந்த் தேர்தல் பிரச்சாரம் செய்கிறார். பொதுமக்களும் கட்சித் தொண்டர்களும் இதில் திரளாக பங்கேற்க வேண்டும். இவ்வாறு ராம ஜெயவேல் தெரிவித்தார்.