சேலம்: 'தமிழக அரசு போக்குவரத்துக் கழகம், சேலம் கோட்டத்தின் சார்பில், செப்டம்பர் 27 முதல் அக்டோபர் 7 வரை, சிறப்பு பஸ்கள் இயக்கப்படும்' என, சேலம் கோட்ட பொது மேலாளர் கணேசன் தெரிவித்துள்ளார்.

* சேலம் மாநகரில் இயங்கி வரும், தமிழ்நாடு அரசு போக்குவரத்துக் கழகம், சேலம் கோட்ட பஸ்களுக்கு சலுகை கட்டண அட்டைகள் வழங்கப்படுகிறது. ஒரு நாள் முழுவதும் பயணம் செய்ய பயணக் கட்டம், 30 ரூபாய் மட்டும் செலுத்தினால் போதும். ஒருவாரம் முழுவதும் பயணம் செய்ய சலுகை கட்டண அட்டை வழங்கப்பட்ட நாளிலிருந்து பயணக் கட்டணம், 160 ரூபாய் மட்டும் செலுத்தி அட்டை பெற்றுக் கொள்ளலாம். ஒரு மாதம் முழுவதும் பயணம் செய்ய (சலுகை கட்டண அட்டை வழங்கப்பட்ட நாளில் இருந்து ), 600 ரூபாய் செலுத்தி பயண அட்டை பெற்றுக் கொள்ளலாம். இந்த சலுகைகள், சேலம் மாநகரில் இயக்கப்படும் நகர பேருந்துகளுக்கும், சேலம் மாநகரத்தை வந்தடையும் நகரப் பஸ்களுக்கு மட்டுமே பொருந்தும். இந்த சலுகை கட்டண அட்டைகள் அனைத்தும், சேலம் பழைய பஸ் ஸ்டாண்டில் பெற்றுக் கொள்ளலாம். இவ்வாறு அதில் தெரிவிக்கப்பட்டுள்ளது.