தர்மபுரி: தர்மபுரி மாவட்ட சரக அளவில் பள்ளிகளுக்கிடையே நடந்த குழு விளையாட்டுப் போட்டிகளில் ஸ்ரீவிஜய் வித்யாலயா பள்ளி மாணவ, மாணவிகள் சாதனை படைத்துள்ளனர்.

தர்மபுரி மாவட்ட விளையாட்டு மைதானத்தில் நடந்த போட்டியில் ஆண்களுக்கான சூப்பர் சீனியர் பிரிவில் இறகுபந்து ஒற்றையர் பிரிவு போட்டியில் சந்தோஷ்குமார் முதலிடமும், இரட்டையர் பிரிவில் சந்தோஷ்குமார், பெரியசாமி ஆகியோர் முதலிடம் பிடித்தனர். சீனியர் பிரிவு இறகுபந்து போட்டியில் சண்முகப்பிரியன் முதலிடமும், இரட்டையர் பிரிவில் சண்முகப்பிரியன் மற்றும் புருசோத்துமன் முதலிடம் பிடித்தனர். மேசைப்பந்து சூப்பர் சீனியர் பிரிவில் பரணிதரன் முதலிடம் பிடித்தார். பெண்களுக்கான சூப்பர் சீனியர் ஒற்றையர் மற்றும் இரட்டையர் பிரிவில் பிரீத்தி, மகேஷ்வரி முதலிடம் பிடித்தனர். சூப்பர் சீனியர் கையுந்து பந்து மற்றும் எரிபந்து போட்டியில் இப் பள்ளி மாணவிகள் இரண்டாம் இடம் பிடித்தனர். வெற்றி பெற்ற மாணவ, மாணவிகளை பள்ளி நிர்வாகம் பாராட்டியது.