புதுச்சேரி : சுதானா நகர் பகுதியில் கழிவு நீர் வாய்க்கால், தார் சாலை அமைத்து தர வேண்டுமென சுதானா நகர் நண்பர்கள் நற்பணி மன்றம் கோரிக்கை வைத்துள்ளது.

கடந்த 7 ஆண்டுகளாக நிறைவேற்றப்படாத கழிவு நீர் வாய்க்கால், தார் சாலைகள் சுதானா நகர் விரிவு 1, 2, 3, ஆகிய பகுதிகளில் அமைத்து தர வேண்டும். சுதானா நகர் கலைமகள் வீதியில் மேல்நிலை நீர் தேக்க தொட்டி அமைக்க வேண்டும்.மாணவர்களுக்கு நூலகம், விளையாட்டுத் திடல், பூங்கா அமைக்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன. மன்ற ஆலோசகர் ஆசிரியர் அங்கமுத்து நன்றி கூறினார்.