ஈரோடு: ஈரோடு அரசு மருத்துவமனையின் பின்புறம் உள்ள சவக்கிடங்கு, குப்பை கிடங்காக மாறியுள்ளது.

அரசு மருத்துவமனையில் மற்ற வார்டுகளை போலவே, சவக்கிடங்கையும் சுத்தமாக பராமரிக்க வேண்டும். ஆனால், இது குப்பை கிடங்காக மாறி வருகிறது. மருத்துவமனையின் அனைத்து வார்டுகளிலும் சேரும் மருத்துவ கழிவு, பிற குப்பை இங்கு கொட்டப்படுகிறது. ஆறு மாதத்துக்கும் மேலாக கொட்டிய குப்பை அகற்றப்படாமல் குவிந்துள்ளது. இதனால், மருத்துவமனை முழுக்க கொசுத் தொல்லை அதிகரித்துள்ளது. சில சமயங்களில் மருத்துவமனை ஊழியர்கள் குப்பைக்கு தீ வைக்கின்றனர். அப்போது, அருகிலுள்ள குடியிருப்பு பகுதிக்குள் மருந்து நெடியுடன் புகை மூட்டம் சூழ்கிறது. குப்பையை முறையாக அகற்ற வேண்டும்.