நாமக்கல்: 'கோமாரி நோயை தடுக்க, கால்நடைகளுக்கு தடுப்பூசி போட அரசு நடவடிக்கை எடுக்க வேண்டும்' என, பா.ஜ.க., மாவட்ட விவசாய அணிக் கூட்டத்தில் தீர்மானம் நிறைவேற்றப்பட்டது.

நாமக்கல்லில், மாவட்ட விவசாய அணி நிர்வாகிகள் கூட்டம் நடந்தது. மாவட்ட விவசாய அணித் தலைவர் மணி தலைமை வகித்தார். மாநில விவசாய அணிச் செயலாளர் மணிவேல் பங்கேற்று பேசினார். கூட்டத்தில், தமிழக அரசு அறிவித்த இலவச கறவை மாடுகள் திட்டத்தை மாவட்ட பா.ஜ., விவசாய அணி வரவேற்கிறது. ஆனால் அனைத்து விவசாயிகளுக்கும் கறவை மாடு வழங்க வேண்டும். கோமாரி நோயை தடுக்க, கால்நடைகளுக்கு தடுப்பூசி போட அரசு நடவடிக்கை எடுக்க வேண்டும். ஏரி, குளம் குட்டை ஆக்கிரமிப்புகளை அகற்ற நடவடிக்கை எடுக்க வேண்டும். தேசிய ஊரக வேலை உறுதித் திட்டம் மூலம், 100 நாள் வேலை உறுதி திட்டத்தை விவசாயத்துக்கு மாற்றி அமைத்தால், விவசாய உற்பத்தி பெருகும் என்பது உள்ளிட்ட தீர்மானங்கள் நிறைவேற்றப்பட்டன. விவசாயிகள் அணி பொறுப்பாளர்கள் மணி, பொதுச் செயலாளர் இளங்கோவன், ராமசாமி, வெங்கடாசலம், மலர், கதிர்வேல் ஆகியோர் உட்பட பலர் பங்கேற்றனர்.