பல மாவட்ட நிர்வாகிகள் பங்கேற்றனர். தமிழகத்திலுள்ள அனைத்து தியேட்டர்களிலும் கட்டணத்தை மாற்றியமைக்க வேண்டும். தியேட்டர்களுக்கான உரிமத்தை ஐந்து ஆண்டுகளுக்கு நீட்டிக்க வேண்டும். தியேட்டர்களில் படம் ஓடாத காலங்களில் அதனை வேறு உபயோகத்திற்கு பயன்படுத்த அரசு அனுமதிக்கு வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன. மாநில தலைவர் அண்ணாமலை கூறியது: திரைப்பட தயாரிப்பு செலவினை கட்டுப்படுத்தும் வகையில் ஒரு கோடிக்கு மேல் சம்பளம் பெறும் நடிகர்கள், டெக்னீசியன்களின் சம்பளம் திரைப்படத்தின் வசூல் அடிப்படையில் வழங்க சம்பந்தப்பட்ட சங்கங்களை கலந்து பேசி முடிவு எடுக்க முயற்சித்து வருகிறோம். தமிழ் படங்களுக்கான வரிவிலக்கை, படம் ரிலீசாகும்போதே வழங்க நடவடிக்கை எடுக்க வேண்டும். வரிவிலக்கு ஆலோசனை ஐவர் குழுவில் தியேட்டர் உரிமையாளர் ஒருவருக்கு பிரதிநிதித்துவம் தரவேண்டும். விரைவில் முதல்வரை நேரில் சந்தித்து இக்கோரிக்கைகளை வைக்க உள்ளோம், என்றார்.