ஆத்தூர்: ஆத்தூர் பகுதியில், இரு டி.எஸ்.பி.,க்கள் தலைமையிலான, 90 சிறப்பு தனிப்படை போலீஸார், கலால் பிரிவு அதிகாரிகள் நடத்திய அதிரடி சோதனையில், நான்கு பெண்கள் உள்பட ஏழு சாராயா வியாபாரிகளை கைது செய்தனர்.

இதுகுறித்து ஆத்தூர் மதுவிலக்கு அமலாக்கப்பிரிவு டி.எஸ்.பி., சந்திரசேகர் கூறியதாவது: சேலம் மாவட்டம் முழுவதும் கள்ளச்சாராயம் விற்பனை கட்டுப்படுத்த சிறப்பு தனிப்படை அமைக்கப்பட்டு, கண்காணிப்பு பணிகள் மேற்கொள்ளப்படுகிறது. ஆத்தூர் நகர் பகுதியில் கள்ளச்சாராயம் விற்பனை செய்த ஏழு பேரை கைது செய்துள்ளோம். இவர்கள், பல்வேறு வழக்குகளில் தலைமறைவாக இருந்தவர்கள். முதல் முறையாக மதுவிலக்கு, சட்டம் ஒழுங்கு போலீஸார், வருவாய் மற்றும் வனத்துறை அலுவலர்கள் கொண்ட தனிப்படை, சாராயம் ஒழிப்பு நடவடிக்கையில் ஈடுப்பட்டுள்ளோம். இவ்வாறு அவர் கூறினார்.