லண்டன் : பா.ஜ., தலைவர் நிதின் கட்காரி கூறியுள்ள இரட்டைக் குடியுரிமை ஆலோசனைக்கு, வெளிநாடு வாழ் இந்தியர்கள் வரவேற்பு தெரிவித்துள்ளனர்.

பா.ஜ., தலைவர் நிதின் கட்காரி சமீபத்தில் பிரிட்டன் தலைநகர் லண்டனுக்குச் சுற்றுப் பயணம் சென்றார். அங்கு பேசிய அவர்,'வெளிநாடு வாழ் இந்தியர்களுக்கு இரட்டைக் குடியுரிமை வழங்க வேண்டும் என்பதற்கு பா.ஜ., ஆதரவளிக்கும். முன்னாள் பிரதமர் வாஜ்பாய் இதுகுறித்து முன்பே உறுதியளித்துள்ளார்' என்று தெரிவித்திருந்தார்.

இதுகுறித்து லண்டனில் இயங்கி வரும், புலம்பெயர்ந்தோர் கூட்டமைப்பின் நிர்வாக இயக்குனர் அமித் கபாடியா வெளியிட்டுள்ள அறிக்கையில்,'நிதின் கட்காரியின் இந்த அறிக்கையை வரவேற்கிறோம். இந்தியாவில் உள்ள காங்கிரஸ் உள்ளிட்ட கட்சிகள் இதற்கு ஆதரவளிக்க வேண்டும்' என்று குறிப்பிட்டுள்ளார்.