லயன்ஸ் சங்க தலைவர் சந்திரமோகன் கூறியது: சுதந்திர தினத்தை முன்னிட்டு முதல் நிகழ்ச்சியாக, மினி மாரத்தான் ஓட்டம் நடக்கிறது. நாளை மாலை 3.30 மணிக்கு போட்டி துவங்குகிறது. நத்தம் ரோடு குடகனாறு இல்லத்தில் துவங்கி மேம்பாலம், ரவுண்டானா, மணிக்கூண்டு, செயின்ட் மேரீஸ் பள்ளி வழி, மொத்தம் 3.5 கி.மீ., தூரம் சென்று டட்லி பள்ளியை அடைகிறது. இதில் 5000 பள்ளி, கல்லூரி மாணவர்கள் பங்கு பெறுகின்றனர். இரண்டாம் நிகழ்ச்சியாக ஆறு இடங்களில் இலவச மருத்துவ முகாம்கள் நடக்கிறது. மூன்றாம் நாள் நிகழ்ச்சியாக ஆகஸ்ட் 15, காலை 10 மணிக்கு புதையல் வேட்டை போட்டி நடக்கிறது, என்றார். செயலாளர் நசுருதீன், பொருளாளர் முருகானந்தம் உடன் இருந்தனர்.