சிவகாசி, வெம்பக்கோட்டை பகுதிகளில் அனுமதி இன்றி பட்டாசு தயாரிக்கப்படுகிறது. இதை கட்டுப்படுத்த அவ்வப்போது அதிகாரிகளால் திடீர் சோதனைகள் நடத்தப்பட்டு அழிக்கப்படுகின்றன. நேற்று பட்டாசு, தீப்பெட்டி தனித்தாசில்தார் முனியசாமி, தாசில்தார் ராமச்சந்திரன், சாத்தூர் தாசில்தார் சங்கரலிங்கம் ஆகியோர் தலைமையில் வெம்பக்கோட்டை , விஜயகரிசல்குளம், மேலகோதநாச்சியார்புரம், வீ. துரைச்சாமிபுரத்தில் அனுமதியின்றி பட்டாசு, கருந்திரி தயாரிக்கப்படும் வீடுகள், ஷெட்களில் திடீர் சோதனை நடத்தினர். விஜயகரிசல்குளத்தில் குருசாமி, சேகர், காளியப்பன் வீடுகளில் சோதனை செய்துஅங்கிருந்த சரவெடிகளை தண்ணீர் ஊற்றி அழித்தனர்.

காட்டுப்பகுதியில் தென்னங்கூரை அமைத்து அனுமதியின்றி கரிமருந்து திரி தயாரித்ததை கண்டு, கூரைகளை பிரித்து, கரிமருந்து திரியை தண்ணீர் ஊற்றி அழித்தனர். கரிமருந்து திரி தயாரித்த 5 பேர் மீது வெம்பக்கோட்டை போலீசார் வழக்கு பதிந்து உள்ளனர்.