தேனி : குச்சனூர் சனீஸ்வரர் கோயில் ஆடித்திருவிழா கொடியேற்றத்துடன் துவங்கியது.

கொடியேற்றம்: இக்கோயில் ஆடித்திருவிழா நேற்று கொடியேற்றத்துடன் துவங்கியது. முன்னாள் அறங்காவலர் முத்துச்சோனை கொடி ஏற்றினார். ஏராளமான பக்தர்கள் சனீஸ்வரரை தரிசனம் செய்தனர். முல்லை பெரியாற்று கால்வாயில் தீர்த்தம் ஆடினர்.

திருக்கல்யாணம்: ஜூலை 30ல் 2ம் வார திருவிழாவும், ஆக. 5ல் சனீஸ்வரர்-நீலாதேவி திருக்கல்யாணம் நடக்கிறது. ஆக. 20ல் ஐந்தாம் வாரத்திருவிழாவுடன் விழா நிறைவடைகிறது.

சிறப்பு பஸ்கள்: திருவிழாவை முன்னிட்டு சனிதோறும் தேனி, சின்னமனூர், உத்தமபாளையத்தில் இருந்து சிறப்பு பஸ்கள் இயக்கப்படுகின்றன. தக்கார் சுரேஷ், செயல் அதிகாரி ராஜேந்திரகுமார் ஏற்பாடுகளை செய்துள்ளனர்.