மார்த்தாண்டம் : வர்த்தகத்தில் வெளிநாட்டு வணிகர்களை அனுமதிப்பதற்கு எதிராக வரும் 15ம் தேதி முதல் நாடுதழுவிய போராட்டம் நடத்த இருப்பதாக தமிழக வணிகர் சங்க மாநில பொதுச்செயலாளர் தேவராஜ் தெரிவித்தார்.சில்லறை வணிகத்தில் வெளிநாட்டு வியாபாரிகளை அனுமதிப்பதற்கு நாடுதழுவிய அளவில் எதிர்ப்பு அதிகரித்து வருகிறது.

தமிழக வணிகர் சங்க மாநில பொதுச்செயலாளர் தேவராஜ் பேசியதாவது:வரிவிதிப்பு இல்லாத தமிழக பட்ஜெட்டை வரவேற்கிறோம். ஜவுளிகளுக்கு இரண்டு சதவீதம் வாட் வரி விதிக்கப்பட்டது. இதை ரத்து செய்ய வேண்டும் என்று வணிகர் சங்கம் சார்பில் கோரிக்கை விடுக்கப்பட்டது. இதனை தமிழக அரசு நடவடிக்கை எடுத்து ரத்து செய்தது. சமையல் எண்ணெய்க்கும் வரி உள்ளது. இதையும் ரத்து செய்வதற்கு பரிசீலனை செய்ய வேண்டும்.