கடலூர் : திருவள்ளுவர் பல்கலைக்கழக மண்டலங்களிடையே மாணவிகளுக்கான 'ஹேண்ட்பால்' போட்டி கடலூர் அண்ணா விளையாட்டரங்கில் நடந்தது.

வேலூர் மண்டல போட்டியில் திருவண்ணாமலை கம்பன் கல்லூரி, வேலூர் தனபாக்கியம் கிருஷ்ணசாமி முதலியார் மகளிர் கல்லூரிகள் மோதின. இதில் கம்பன் கல்லூரி அணி வெற்றி பெற்றது. கடலூர் மண்டல போட்டியில் கடலூர் செயின்ட்ஜோசப் கல்லூரி, விழுப்புரம் தெய்வானை அம்மன் கல்லூரிகள் மோதின. இதில் விழுப்புரம் கல்லூரி வெற்றி பெற்றது. வெற்றி பெற்ற அணிகளுக்கிடையேயான போட்டி மாலை நடந்தது. மேலும் 7, 8ம் தேதிகளில் மாணவிகளுக்கான கால்பந்து போட்டி நடக்கிறது. இதில் வெற்றி பெற்றவர்களுக்கு பரிசு மற்றும் சான்றிதழ் வழங்கப்படுகிறது.