காவேரிப்பட்டணம் சரக அளவிலான அரசு மற்றும் தனியார் பள்ளி மாணவ மாணவிகளுக்கான தடகள மற்றும் குழு போட்டிகள் கிருஷ்ணகிரி மாவட்ட விளையாட்டரங்கில் நடந்தது. இதில், 14 வயதுக்கு உட்பட்ட மாணவர்கள் பிரிவில் மோரனஅள்ளி அரசு மேல்நிலைப்பள்ளி மாணவர் அருண், மாணவிகள் பிரிவில் நெடுங்கல் அரசு உயர்நிலைப்பள்ளி மாணவி மஞ்சு, 17 வயதுக்கு உட்பட்ட மாணவர்கள் பிரிவில் காவேரிப்பட்டணம் அரசு ஆண்கள் மேல்நிலைப்பள்ளி மாணவன் வெங்கடேசன், மாணவிகள் பிரிவில் நாகரசம்பட்டி அரசு பெண்கள் மேல்நிலைப்பள்ளி மாணவி ராதிகா, 19 வயதுக்குட்பட்ட மாணவர்கள் பிரிவில் காவேரிப்பட்டணம் அரசு ஆண்கள் மேல்நிலைப்பள்ளி மாணவன் சரண்ராஜ், மாணவிகள் பிரிவில் காவேரிப்பட்டணம் அரசு பெண்கள் மேல்நிலைப்பள்ளி மாணவி நிரஞ்சனி ஆகியோர் சாம்பியன் பட்டம் வென்றனர்.