பரங்கிப்பேட்டை:பரங்கிப்பேட்டை அருகே பாலசுப்ரமணிய சுவாமி கோவில் கும்பாபிஷேகம் வரும் 15ம் தேதி நடக்கிறது.பரங்கிப்பேட்டை அடுத்த வல்லம் வள்ளூவர் தெருவில் உள்ள பாலசுப்ரமணிய சுவாமி கோவில் திருப்பணி முடிந்து வரும் (15ம் தேதி) சமூக நலத்துறை அமைச்சர் செல்வி ராமஜெயம் தலைமையில் கும்பாபிஷேகம் நடக்கிறது.அதையொட்டி வரும் 13ம் தேதி அனுக்ஞை விக்னேஸ்வர பூஜை, கணபதி ஹோமம், தேவதா அனுக்ஞை சக்கர பூஜை, முதலாம் கால யாக சாலை பூஜை நடக்கிறது. 14ம் தேதி லட்சுமி ஹோமம், வாஸ்து சாந்தி, பிரவேச பலி, கோ பூஜை, இரண்டாம் கால யாக சாலை பூஜை, மூன்றாம் கால பூஜை நடக்கிறது.

முக்கிய விழாவான 15ம் தேதி நான்காம் கால யாக சாலை பூஜை, அக்னிகார்யம், நாடி சந்தானம், பூர்ணாஹூதி, தீபாராதனை முடிந்து காலை 9 மணியில் இருந்து 10.30க்குள் கும்பாபிஷேகம் நடக்கிறது.