ஓய்வின்றி ஊழைக்கும் மக்களுக்கு விடுமுறை நாட்கள் தான் குடும்பத்தோடு இன்பமாக பொழுதை கழிக்கும் வாய்ப்பு ஏற்படுகிறது. இஷ்டமான தெய்வங்களை வழிபட செல்வது, சுற்றுலா இடங்களுக்கு போவது என ஒவ்வொருவரின் வாழ்க்கையும் ஆகிபோனது. அந்த வகையில் குமரி மாவட்டத்தில் சிறந்த சுற்றுலா இடமான பத்மனாபபுரம் அரண்மனைக்கு தினமும் சுற்றுலா பயணிகள் வந்து செல்கின்றனர். முக்கிய விடுமுறை நாட்களில் அதிகமானோர் குடும்பத்துடன் இங்கு வருகின்றனர். தற்போது காலாண்டு விடுமுறையோடு, ஆயுதபூஜை விடுமுறையும் சேர்ந்து வந்ததால் அரசு மற்றும் தனியார் நிறுவனங்களில் பணி செய்பவர்கள் அதிகமானோர் அரண்மனையை காண குடும்பத்துடன் வந்து செல்கின்றனர்.