புதுச்சேரி:அரியானாவில் நடக்கும் அகில இந்திய மாநாட்டில் புதுச்சேரி விவசாயத் தொழிலாளர் சங்கத்தினர் கலந்து கொள்கின்றனர்.அகில இந்திய விவசாயத் தொழிலாளர் சங்கத்தின் தேசிய அளவிலான 12வது மாநாடு, அரியானா மாநிலத்தில் வரும் 15ம் தேதி துவங்கி 18ம் தேதி வரை நடக்கிறது.

இதில், புதுச்சேரி விவசாயத் தொழிலாளர் சங்கம் சார்பில் செயல் தலைவர் ராமமூர்த்தி, பொதுச் செயலாளர் பாலகிருஷ்ணன் தலைமையில் 9 பேர் கலந்து கொள்கின்றனர். இவர்கள், நேற்று அரியானா புறப்பட்டுச் சென்றனர்இத்தகவலை, புதுச்சேரி விவசாயத் தொழிலாளர் சங்க மாநில பொதுச் செயலாளர் பாலகிருஷ்ணன் தெரிவித்துள்ளார்.