அவர் கூறியதாவது: வில்லூர் ஊராட்சி முதலாவது வார்டில் ரூ.பல லட்சத்தில் கட்டி முடிக்கப்பட்டு பயனற்றுள்ள நீர்த்தேக்கத் தொட்டியில் வைகை குடிநீரை ஏற்றி சப்ளை செய்ய நடவடிக்கை எடுக்கப்படும். செண்பகத்து ஊரணியை சுத்தப்படுத்தி சுற்றுச்சுவர் கட்டி படிக்கட்டுகள் அமைக்கப்படும். அழகாத்திரி செட்டியார், பாப்பா ஊரணிகளில் கூடுதல் படிக்கட்டுகள், கோட்டாராமன் குளத்தில் குளிக்க வசதியாக படிக்கட்டுகள் அமைக்கப்படும். வில்லூர் அரசு உயர்நிலைப்பள்ளியை சித்தன் எம்.பி., மேல்நிலைப் பள்ளியாக தரம் உயர்த்த உதவினார். பள்ளி கலையரங்கம் கட்ட நிதி ஒதுக்கீடு செய்தார். ஆனால் உள்ளாட்சியில் பொறுப்பில் இருந்தவர்கள் அதை முறையாக பயன்படுத்தாததால் திரும்பப் பெறப்பட்டு விட்டது. தற்போது மாணிக்கதாகூர் எம்.பி.,யிடம் கூறி கலையரங்கம் கட்டப்படும். பள்ளிகளுக்கு சுத்திரிகரிக்கப்பட்ட குடிநீர் வழங்க நடவடிக்கை எடுக்கப்படும். தெற்குத்தெருவில் மகளிருக்கு ஒருங்கிணைந்த கழிப்பறை, குளியலறை கட்டப்படும். அடிகுழாய்கள் பழுது பார்க்கப்படும். ஆதிதிராவிட மக்களுக்கு ஒருங்கிணைந்த சுடுகாடு அமைக்கப்படும் வில்லூர்-ஒவரி சாலை ஆக்கிரமிப்புகள் அகற்றப்படும், என்றார்.