உடன்குடி:மணப்பாடு பள்ளியில் வட்டார இளம் மாணாக்கர் இயக்க முகாம் நடந்தது.மணப்பாடு புனித வளன் மேல்நிலைப்பள்ளியில் வட்டார இளம் மாணாக்கர் இயக்க முகாம் நடந்தது. இதில் மணப்பாடு, ஆலந்தலை, அமலிநகர், உடன்குடி, பெரியதாழை, ஆறுமுகநேரி, குரும்பூர், வீரபாண்டியன்பட்டணம், கச்சனாவிளை ஆகிய பள்ளிகளில் இருந்து 65 மாணவ, மாணவிகள் மற்றும் ஆசிரியர்கள், அருட் சகோதரிகள்என 65 பேர் கலந்து கொண்டனர். இயக்கத்தின் மறை மாவட்ட இயக்குநர் கிராஸியஸ் வரவேற்றார். துவக்கப்பாடலை பெரியதாழை பள்ளி மாணவிகள் பாடினர். கிளைட்டன் புவி வெப்பமாதல் தலைப்பில் பேசினார். சுற்றுச்சூழல் சீரழிவு பற்றிய குறும்படம் மாணவர்களுக்கு காண்பிக்கப்பட்டது.

களப்பணியாளர்கள் செல்வன், வினோ ஆகியோர் சுற்றுச்சூழல் சீரழிவை எப்படித் தடுப்பது என்ற தலைப்பில் பேசினர்.

தமிழ் ஆசிரியர் புவிவெப்படைய யார் காரணம்? நமக்கு எதிரி நாம் என்ற தலைப்பில் பேசி பாடல் பயிற்சியளித்தார். முகாமின் நிறைவு விழாவில் பள்ளித் தாளாளர் பேசினார். பின்னர் வளாகத்தை மாணவர்கள் தூய்மைப்படுத்தினர். வழிகாட்டி ஆசிரியர்கள் மாணவர்களை திருச்சிலுவை ஆலயத்திற்கு அழைத்துச் சென்றனர். இதில் ஆசிரியர்வலன்றீன் இளங்கோ உட்பட பலர் கலந்து கொண்டனர். பிளாஸ்டிக் பொருள் தவிர்ப்போம், சுற்றுச்சூழல் காப்போம், மரங்கள் நடுவோம் ஆகிய மூன்று தீர்மானங்கள் நிறைவேற்றினர். ஏற்பாடுகளை ஒருங்கிணைப்பாளர் வினோ செய்திருந்தார்.