நாமக்கல்: நாமக்கல்லில் நடந்த மாற்றுத்திறனாளிகளுக்கான சிறப்பு முகாமில், தேர்வு செய்யப்பட்ட பயனாளிகளுக்கு, 4.78 லட்சம் ரூபாய் மதிப்புள்ள நலத்திட்ட உதவிகளை, எம்.எல்.ஏ., பாஸ்கர் வழங்கினார்.

கடந்த ஆண்டு நவம்பர் மாதம் நடந்த சிறப்பு முகாமில் தேர்வு செய்யப்பட்ட பயனாளிகளுக்கு, 2010-11ம் ஆண்டு எம்.எல்.ஏ., தொகுதி மேம்பாட்டு நிதியில் இருந்து நலத்திட்ட உதவிகள் வழங்கப்பட்டது. அதன்படி, 158 பயனாளிகளுக்கு, 4.78 லட்சம் ரூபாய் மதிப்புள்ள நலத்திட்ட உதவிகளை எம்.எல்.ஏ., பாஸ்கர் வழங்கினார். அதில், மூன்று, நான்கு சக்கர வண்டிகள், ஊன்றுகோல், கண்ணாடி, காதொலிகருவி உள்பட, 213 உபகரணங்கள் வழங்கப்பட்டது. தற்போது நடந்த முகாமில் தேர்வு செய்யப்பட்ட பயனாளிகளுக்கு, பின்னர் நலத்திட்ட உதவிகள் வழங்கப்படும் என, அதிகாரிகள் தெரிவித்தனர். நிகழ்ச்சியில், அனைத்துத்துறை அதிகாரிகள், தொண்டு நிறுவனத்தினர், மாற்றுத்திறனாளிகள் உள்பட பலர் பங்கேற்றனர்.