அமெரிக்காவில், சின்சினாட்டி ஓபன் டென்னிஸ் தொடர் நடந்தது. இதன் ஆண்கள் இரட்டையர் பைனலில், இந்தியாவின் லியாண்டர் பயஸ், மகேஷ் பூபதி ஜோடி, பிரான்சின் மைக்கேல் லாட்ரா, செர்பியாவின் நினாடு ஜிமோன்ஜிக் ஜோடியை எதிர்கொண்டது. விறுவிறுப்பான பைனலில், அபார ஆட்டத்தை வெளிப்படுத்திய பயஸ்-பூபதி ஜோடி 7-6, 7-6 என்ற நேர் செட்டில் வெற்றி பெற்று சாம்பியன் பட்டம் வென்றது. பயஸ்-பூபதி ஜோடி, சுமார் பத்து ஆண்டுகளுக்கு பின் இத்தொடரில் மீண்டும் சாம்பியன் பட்டத்தை கைப்பற்றியது. முன்னதாக கடந்த 2001ல் சாம்பியன் பட்டம் வென்றது. இது, இந்த ஆண்டு பயஸ்-பூபதி ஜோடி கைப்பற்றிய மூன்றாவது சாம்பியன் பட்டம். முன்னதாக சென்னை ஓபன், சோனி எரிக்சன் ஓபன் உள்ளிட்ட தொடர்களில் இந்திய ஜோடி சாம்பியன் பட்டம் வென்றது.