திருக்கோவிலூர் : திருக்கோவிலூர் அருகே பள்ளி மாணவர்கள் நான்கு பேர் ஏரியில் மூழ்கி இறந்த சம்பவம் கிராமத்தையே சோகத்தில் ஆழ்த்தியுள்ளது.

நான்கு பேரும் ஏரி பள்ளத்தில் மூழ்கி உயிருக்கு போராடியதை பார்த்த மகாலட்சுமி காலனிக்குள் ஓடி சென்று கூறினார். அதற்குள் நான்கு பேரும் நீரில் மூழ்கிவிட்டனர். அவர்களது உடலை பொதுமக்கள் மீட்டனர். இச்சம்பவத்தால் கிராமமே சோகத்தில் மூழ்கியது. இறந்த சிறுவர்கள் மூன்றுபேர் வெளியூர் என்பதால் விலாசத்தை அறிந்து கொள்வதிலும், உறவினர்களுக்கு தகவல் தெரிவிப்பதிலும் சிக்கல் ஏற்பட்டது. தகவலறிந்த டி.எஸ்.பி., லோகநாதன், இன்ஸ்பெக்டர் கண்ணன், சப்-இன்ஸ்பெக்டர் பாலமுருகன் மற்றும் போலீசார் சம்பவ இடத்திற்கு சென்றுவிசாரணை மேற்கொண்டனர்.