ப.வேலூர்: டவுன் பஞ்சாயத்து சேர்மன் பதவிக்கு போட்டியிட்ட சுயேட்சை வேட்பாளர் சக்திவேல், அ.தி.மு.க., வேட்பாளர் பொன்னிவேலுக்கு ஆதரவு தெரிவித்தார்.

ப.வேலூர் டவுன் பஞ்சாயத்தில், சேர்மன் பதவிக்கு பொன்னிவேலு (அ.தி.மு.க.,), மணி மாரப்பன் (தி.மு.க.,), பரமசிவம் (காங்.,), ராமலிங்கம் (தே.மு.தி.க.,), நாகரத்தினம் (பா.ம.க.,), சக்திவேல் (சுயே.,) ராஜேந்திரன் (சுயே.,) என மொத்தம், ஏழு பேர் களத்தில் உள்ளனர். அதேபோல், 18 வார்டு உறுப்பினர்களுக்கு, 87 பேர் போட்டியிடுகின்றனர். அதில், 1வது வார்டில் 5 பேர், 2வது வார்டில் 6 பேர், 3வது வார்டில் 3 பேர், 4வது வார்டில் 2 பேர், 5வது வார்டில் 3 பேர், 6வது வார்டில் 4 பேர், 7வது வார்டில் 4 பேர், 8வது வார்டில் 8 பேர், 9வது வார்டில் 5 பேர், 10வது வார்டில் 5 பேர், 11வது வார்டில் 5 பேர், 12வது வார்டில் 4 பேர், 13வது வார்டில் 4 பேர், 14வது வார்டில் 5 பேர், 15வது வார்டில் 9 பேர், 16வது வார்டில் 6 பேர், 17வது வார்டில் 7 பேர், 18வது வார்டில் 4 பேர் என மொத்தம், 87 பேர் போட்டியிடுகின்றனர். இந்நிலையில், சேர்மன் பதவிக்கு போட்டியிட்ட சுயேட்சை வேட்பாளர் சக்திவேல், அ.தி.மு.க., சேர்மன் வேட்பாளரும், நகரச் செயலாளருமான பொன்னிவேலுக்கு சால்வை அணிவித்து தனது ஆதரவை தெரிவித்தார். மாவட்ட ஜெ., பேரவை இணைச் செயலாளர் ராமலிங்கம், நகர நிர்வாகிகள், உறுப்பினர்கள் உள்பட பலர் பங்கேற்றனர். தற்போது, சேர்மன் களத்தில், ஆறு பேர் மட்டுமே உள்ளனர் என்பது குறிப்பிடத்தக்கது.