தென்காசி:தென்காசியில் ரெட்கிராஸஅ நல்லாசிரியர் விருது வழங்கப்பட்டது.தென்காசி ஆர்.டி.ஓ.அலுவலகத்தில் இந்தியன் ரெட்கிராஸ் சொசைட்டி சார்பில் ஆசிரியர் தின விழாவை முன்னிட்டு ரெட்கிராஸ் நல்லாசிரியர் விருது வழங்கும் விழா நடந்தது.

ஆர்.டி.ஓ.காங்கேயன் கென்னடி தலைமை வகித்தார். மாவட்ட கல்வி அலுவலர் ஜெயகண்ணு முன்னிலை வகித்தார். ரெட்கிராஸ் தலைவர் கருப்பையா வரவேற்றார். துணைத் தலைவர் சந்திரசேகரன், கன்வீனர் பிரேமாவதி, யூத் ரெட்கிராஸ் மாவட்ட இணை அமைப்பாளர் சண்முகசுந்தரம் பாராட்டி பேசினர்.அரசு பள்ளிகள், அரசு உதவி பள்ளிகள் மற்றும் மெட்ரிக் பள்ளிகளை சேர்ந்த 96 ஆசிரிய, ஆசிரியைகளுக்கு ரெட்கிராஸ் நல்லாசிரியர் விருதினை ஆர்.டி.ஓ.,வழங்கினார். ரெட்கிராஸ் செயலாளர் சுப்பிரமணியன் நன்றி கூறினார்.