திண்டிவனம் : திண்டிவனம் அருகே, வீதியை ஆக்கிரமித்து தி.மு.க., பிரமுகர் வீடு கட்டியதாக புகார் எழுந்துள்ளது.

தாசில்தார் உத்தரவின்படி, பிரம்மதேசம் வருவாய் ஆய்வாளர் ஜானகிராமன், விட்டலாபுரம் வி.ஏ.ஓ., பாலசுந்தரம் ஆகியோர், நேற்று நேரில் சென்று பார்வையிட்டனர். வீட்டு உரிமையாளர் குப்புசாமியிடம் விசாரணை நடத்திய போது, வருவாய் ஆய்வாளருடன் கடும் வாக்குவாதம் ஏற்பட்டது. இதுகுறித்து திண்டிவனம் தாசில்தார் தலைமலை கூறுகையில்,'விட்டாலபுரம் கிராமத்தில் வருவாய்த் துறையினர் நேரில் ஆய்வு செய்ததில், வீதியை ஆக்கிரமித்து வீடு கட்டியது தெரிந்துள்ளது. இது தொடர்பாக, கலெக்டர் மற்றும் மாவட்ட வருவாய்த்துறை அலுவலருக்கு அறிக்கை அனுப்பி, உரிய நடவடிக்கை எடுக்கப்படும்' என்றார்.