களியக்காவிளை ஜங்ஷனில் கடந்த ஜூலை மாதம் 30ம் தேதி தி.மு.க., பொதுக்கூட்டம் நடந்தது. இதில் பேச்சாளர் வாகை முத்தழகன், தமிழக முதல்வர் ஜெயலலிதாவை அவதூறாக பேசியதாக அ.தி.மு.க., வினர் எதிர்ப்பு தெரிவித்தனர். இது குறித்து அ.தி.மு.க., வினர் கொடுத்த புகாரின் பேரில் முன்னாள் அமைச்சர் சுரேஷ்ராஜன், பேச்சாளர் வாகை முத்தழகன், களியக்காவிளை பேரூர் செயலாளர் ஜெயசந்திரன், ஒன்றிய பொருளாளர் மாகின் அபுபக்கர் ஆகியோர் மீது வழக்குப்பதிவு செய்யப்பட்டது. இந்த வழக்கில் முன்னாள் அமைச்சர் சுரேஷ்ராஜன் மதுரை ஐகோர்ட்டில் முன் ஜாமின் பெற்றிருந்தார். இந்நிலையில் நேற்று குழித்துறை கோர்ட்டில் மாஜிஸ்திரேட் மாரியப்பன் முன்னிலையில் ஆஜரானார். கோர்ட் வளாகத்தில் குழித்துறை நகர தி.மு.க., செயலாளர் ஆசைதம்பி, மேல்புறம் ஒன்றிய செயலாளர் சிற்றார் ரவிசந்திரன், வக்கீல் ரமேஷ் மற்றும் கட்சி நிர்வாகிகள் கூடியிருந்தனர்.