காரைக்குடி நகராட்சியில் 36 வார்டுகள் உள்ளன. தலைவர் பதவிக்கு கற்பகம் இளங்கோ (அ.தி.மு.க., ), பாண்டிமீனாள் (தி.மு.க., ) ஆகியோர் வேட்பாளராக அறிவிக்கப்பட்டுள்ளனர். காங்., தே.மு.தி.க., உள்ளிட்ட முக்கிய கட்சிகள் ஓரிரு நாட்களில் தங்களது வேட்பாளர்களை அறிவிக்கும் என எதிர்பார்க்கப்படுகிறது. தற்போது, தலைவர் பதவி பெண்ணிற்கு ஒதுக்கப்பட்டுள்ளதால் அ.தி.மு.க., இப்பதவியை பிடிப்பதில் முணைப்புடன் செயல்படுகிறது. தி.மு.க., வேட்பாளர் அறிவிக்கப்பட்டவுடன், தேர்தல் பணி சுறுசுறுப்படைந்துள்ளது. 'ரகசிய கமிரா': மனு தாக்கலின் போது கட்சியினரிடையே அசம்பாவிதங்கள் ஏதும் ஏற்படாமல் தடுக்கும் பொருட்டு, கடந்த மூன்று நாட்களாக 24 மணிநேரம் போலீசார் பாதுகாப்பு பணியில் ஈடுபட்டுள்ளனர். தவிர, கட்சி சார்பில் வேட்பு மனு செய்ய வருபவர்களின் நடவடிக்கைகளை கண்காணிக்கும் வகையில் நகராட்சி அலுவலகத்தில் தேர்தல் அலுவலர் அறை, வராண்டா, முகப்பு உள்ளிட்ட எட்டு இடங்களில் கண்காணிப்பு கேமரா பொருத்தி கண்காணிப்பது என தீர்மானிக்கப்பட்டுள்ளது.